Weblog maken?


MaakEenWebsite.nl (tip)
Totaal slechts 10 euro per maand incl. domeinnaam en gratis overzetten van uw bestaande weblog bij Bloggers.nl 100 MB ruimte
emailadres
Lees meer..... en bestel
Gratis geld verdienen met e-mails lezen? Meld je aan bij
Zinngeld, Surfrace, Qassa en Euroclix !

Op zoek naar God?
In Dreinse dreven

Description

Beviendings en gebeurtenissen van 't Dreinse veane en Dreinse zaand, en mit allerlei aandere wetenswaordigheden


My Links

* Home
* My Profile
* Weblog Archives
* Friends
*My Photo Album

Warmte

Veuls te warm

 

't is al weer een zettien eleên dak wat eschreven hebben. De heugste tied um mij waer iens te melden.

't Is barre warm ewest de leste tied. Ik plakte benaom an mien toetsenbordtien vaste. Niet de ideale warkumstandigheden, zok mar zeggen.

De drokte nemp weinig of. Naost het museum bin ik nog ajt drok mit aandere bezigheden, zo links en rechts. 'k Bin bliede det het gauw vakaasie is. Lekker lezen in de zunne en wandelen in Limburg.

Wel giet ankomend zundag ok hen roze zaterdag in Zwolle hen?

 


Posted: 16:19, 20/6/2006
Comments (0) | Add Comment | Link

waaiierig weekend

Het was mij mien weekendtien wal weer. Het boesterde goed öm 't huus hen. Ik musse d'r ofgelopen zaoterdag nog wal öp uut. Eerstens mit de auto hen Koekange hen. Meinsken nog an toe, wat een wiend en regen. Ie hebt ja aggen niet het gevuul det Paosen veur de deure stiet. 'k Bin in ieder geval goed eslaagd, daor op Koekange.

Ik had aeven gien reken ehölden miet de Ronde van Drenthe. 't Was dan ok mar een toertien of ik stund in de file te koekeloeren. Ik kun gien kaante meer öp. Dreien was ok gaans onmeugelijk. Nao haoste een kwetier kun ik weer wieder.

Ie kunt begriepen det deur het weer d'r van kleraosie kopen weinig ekomen is. Ik ware allange bliede dak mien bosschoppen op tied in huus hadde. Ok een passpartoegien veur een schilderij hek mar mooi laoten waeren. Det ding zol ja halverwegens kapot weijen.

Zundag ok zowat de hiele dag in huus ezeten. Wal naor de marathon van Rotterdam ekeken. Det zit d'r veur mij nog lange niet in. Ik hope dak dit jaor de zevenheuvelenloop in Nijmegen volbrengen kan. Een marathon, daor muk nog niet an deinken. Benaom niet mit det minne weer van de leste dagen. Aj ze ok zagen ploetern aover de Erasmusbrogge, brrr. Ok Parijs-Roubaix nog aeven laankszij zien komen. Ok al zoveul stoere jongs deur 't vlakke laand. Ik bin meer een loper dan een fietser,....

An 't ende van de middag nog snel naor de karke. De leste vesper veur de Paosen. Wij goat de stille weke in. Det betiekent weer hiel wat dagen in de karke zitten. Mar mit plezier heur. 't Is gien opgave. 


Posted: 12:43, 11/4/2006
Comments (0) | Add Comment | Link

Stienbargen en schilder

Albert Stiebargen (1814-1900) was een schilder en schriever van 't Hoogeveine. Ik bin drok mit de goeie man bezig want d'r komp een tentoonstelling aover hum. D'r mut ok een boek aover hum uutkomen. Zo aj ziet was-e benaom bezig mit het schilderen van stillaevens. En niet onverdienstelijk. Hij hef helderweg op exposeert in Amsterdam, Haarlem en Rotterdam. Mar det is wal al haoste tweihonderd jaor eleden.


Posted: 17:14, 7/4/2006
Comments (0) | Add Comment | Link

Initium semper molestum est

Moi volk

 

Alle begun is meuilijk. Benaom aj net zo as mij ok nog de hiele dag mit allerhaander volk an het akkerderen bint ewest. Now, öm zes ure bin ik toch mar achter de computer ekreupen öm antevangen mit dit webboekien.

 

't Was mij het daggien wal waer vandage. Het begunt gelokkig wat schierder weer te worden. De veugels bint zök slim an't vernuuvern mit het mooiere weer. Ik zage vandage al een doeve drok doende mit het bouwen van een nössien, argens baoven in een boom. Ok heb ik de eerste ooievaars al waer öp heur nöst zien zitten. De miest biezundere was bij de Weerwille in de buurte, net veur Koekange. Daor had een ooievaar baoven in een boom zök een nöst emaakt. Dei zat niet in zo'n deur meinskenhaanden in menaar ezet geval. Daorvan ku'j d'r iene vienden an de A28, net veur De Wiek. Ik deinke det det paartien slim drok is op drokte. Ze zit al helderweg wat jaoren daor öp een stee.

Mar genogt natuur. Mit het mooiere weer slöt het de meinsken ok een beetien in de kop. Vanaovend, de vaste koopaovend is vrijdag in mien woonstee, gao'k gleuf ik maor is hen kieken naor wat nij good. Zo mit de zomer veur de deure hangt ok de winkels weer vol mit allerhaande nijmoodse kleraozie. En 't is en blef ien van mien grote liefhebberijen öm al dei winkels iens bij laanks te gaon. Mar ok tweidehaans kan'k vake merakel slagen.

 

Volgende weke gao'k het wal iens aover wat aarnstiger dinger hebben. 't Is volgende weke per slot van rekings de Stille Weke. Zundag begunt wij mit de opgaank naor Paosen hen. En ik weet niet hoe het mit oe is, mar ik bin daor altied hiel bewust mit an de gaank.

 

't is zes ure. Tied veur de middag.


Posted: 16:56, 7/4/2006
Comments (0) | Add Comment | Link

Hosting door HQ ICT Systeembeheer